Сандалаў Леанід Міхайлавіч // Памяць. Кобрынскі раён : гісторыка-дакументальная хроніка. – Мінск, 2002. — С. 139. — (Так пачыналася).
САНДАЛАЎ Леанід Міхайлавіч, нарадзіўся 10 красавіка 1900 г. у г. Вічуга Іванаўскай вобл., Расія. Удзельнік баёў на Беларусі ў Вялікую Айчынную вайну. Генерал-палкоўнік (1944). Закончыў ваенныя акадэміі імя Фрунзе (1934), Генштаба (1937). У Чырвонай арміі з 1919 г. З верасня 1937 г. у БВА, з 1940 г. начальнік штаба, у ліпені—жніўні 1941 г. камандуючы 4-й арміяй, начальнік штаба Цэнтральнага фронту. У пачатку Вялікай Айчыннай вайны ўдзельнічаў у абарончых баях у раёне Брэста, Жабінкі, Кобрына і інш. У 1941—1945 гг. начальнік штаба Бранскага, 2-га Прыбалтыйскага, 4-га Украінскага франтоў. Да 1953 г. на камандных пасадах у Савецкай арміі. Аўтар кніг «Пагарэла-Гарадзішчанская аперацыя» (1960), «Цяжкія рубяжы» (1965), «Перажытае» (1966), «На маскоўскім напрамку» (1970), «Пасля пералому» (1983). Памёр 23 кастрычніка 1987 г.