Біяграфічны нарыс

Канцэвіч Іван Уладзіміравіч нарадзіўся 2 лютага 1936 года ў вёсцы Павіцце Кобрынскага раёна. Скончыў 6 класаў мясцовай школы.

Служыў у Савецкай Арміі ў Пермі. Пасля арміі паехаў на сезонную працу ў Казахстан.

З 1960 года да пенсіі Іван Уладзіміравіч працаваў у калгасе. Трыццаць гадоў трактарыстам, брыгадзірам трактарнай брыгады, камбайнерам.

З 1985 года І. У. Канцэвіч быў майстрам-наладчыкам. Працаваў добрасумленна, стаў перадавіком вытворчасці, выконваў дзяржаўныя планы.

У 1978 годзе Іван Уладзіміравіч узнагароджаны сярэбраным медалём «За дасягнутыя поспехі ў развіцці народнай гаспадаркі СССР».