ПРАДМОВА
Біябібліяграфічны паказальнік «Краязнавец з Вялікай літары» прысвечаны жыццю і дзейнасці Аляксея Міхайлавіча Мартынава.
А. М. Мартынаў — Ганаровы грамадзянін горада Кобрына, Ганаровы член рэспубліканскага грамадства аховы помнікаў гісторыі і культуры, публіцыст, краязнаўца, гісторык, выдатны кіраўнік. Ён унёс вялікі ўклад у захаванне гісторыка-культурных каштоўнасцей Кобрынскага раёна, быў ініцыятарам увекавечання месцаў, звязаных з гістарычнымі падзеямі на Кобрын-шчыне. Многія ўстановы горада з’явіліся пры непасрэдным удзеле і намаганнях гэтага чалавека.
А. М. Мартынаў — не толькі збіральнік матэрыялаў пра кобрынскі край, але яшчэ і выдатны папулярызатар гэтых ведаў.
Паказальнік мае наступную структуру:
Біяграфічны нарыс
Ілюстрацыйный матэрыял
Бібліяграфічныя матэрыялы
Працы А. М. Мартынава
Працы А. М. Мартынава па тэмах:
Ваенна-гістарычны музей імя А. В. Суворава;
Вялікая Айчынная вайна на Кобрыншчыне;
1812 год на Кобрыншчыне;
ВуліцыКобрына;
Старэйшыя прафесіі на Кобрыншчыне
Аб жыцці і дзейнасці А. М. Мартынава
Алфавітны паказальнік прац
Раздзел «Працы А. М. Мартынава» ўключае публікацыі А. М. Мартынава ў часопісах, газетах на беларускай, рускай мовах за 1967-2010 гг. Матэрыял размешчаны ў алфавіце назваў артыкулаў.
Раздзел «Аб жыцці і дзейнасці» ўключае часткі з кніг, артыкулы з газет на беларускай і рускай мовах за 1999-2014 гг., бібліяграфічныя выданні Кобрынскай цэнтральнай раённай бібліятэкі, успаміны суседзяў. Матэрыял згрупаваны ў адваротна-храналагічным парадку.
Даведачны апарат бібліяграфічнай часткі складае «Алфавітны паказальнік публікацый А. М. Мартынава».
Выданне ўключае таксама фотаздымкі з сямейнага архіва краязнаўца і Кобрынскага ваенна-гістарычнага музея імя А. В. Суворава. Паказальнік прац і літаратуры аб жыцці і дзейнасці А. М. Мартынава будзе карысны даслед-чыкам, настаўнікам, навучэнцам, бібліятэкарам, краязнаўцам-аматарам.