Пянко, А. Настаўніцкае шчасце / Аляксей Пянко // Кобрынскі веснік. – 2002. – 17 жніўня.
Марыя Мікалаеўна Клачковіч – дырэктар прафесіянальна-тэхнічнага вучылішча тэкстыльшчыкаў № 153.
Настаўніцкае шчасце
…у той дзень, калі гэта вестка з’явілася ў друку, давялося пабываць у вучылішчы. Рабочы дзень быў на зыходзе. Марыя Мікалаеўна толькі што прыйшла з аўдыторыі, дзе працавала конкурсная камісія, — ішоў адбор у вучылішча новых навучэнцаў. Дырэктар была задаволена папаўненнем, вочы яе выпраменьвалі цяпло, радасць. Потым, у працэсе навучання, магчыма, давядзецца нялёгка, ужо з першага знаёмства часта высвятляюцца шматлікія нюансы школьнай падрыхтоўкі, складанасці сямейных умоў жыцця, характараў дзяцей. Але гэга не першы набор, вопытнаму педагагічнаму калектыву падуладны складаныя задачы.
Прафесіянальна-тэхнічнае вучылішча тэкстыльшчыкаў № 153 рыхтуе спецыялістау з 1982 года. Два гады Марыя Мікалаеўна працавала намеснікам дырэктара, астатнія 18 – узначальвае вучылішча.
Першыя выпускнікі набылі добрыя прафесіянальныя навыкі, затым хутка адапціраваліся ў працоўных калектывах. З 60 чалавек першага выпуску 24 атрымалі дыпломы з адзнакай.
Вось гэта тэндэнцыя прасочваецца на працягу двух дзесяцігоддзяў існавання вучылішча. Зараз тут займаюцца дзеці першых выпускнікоў.
На першым часе не кожны падлетак па-належнаму ўспрымае патрабаванні дысцыпліны. А якраз яна з’яўляецца рашаючым фактарам поспеху ўсіх і кожнага навучэнца паасобку. Затое ўпаследку прыходзіць усведамленне важнасці выхаваўчых прыёмаў педагогаў, майстроў вытворчага навучання. Урэшце пасіў трансфарміруецца ў актыў і працуе на прывабны імідж вучылішча.
Крызіс у прамысловасці прымусіў педкалектыў перагледзець вучэбныя планы. У выніку вучылішча пачало рыхтаваць спецыялістаў па новых прафесіях, якія запатрабаваны жыццём. Так з’явілася інтэгрыраваная прафесія — повар, швачка, сацыяльны работнік і інш. Гэта азначае, што за тры гады навучэнец атрымлівае адразу тры прафесіі. Такім чынам, статус выпускніка павышаецца ўтрая, без асаблівых праблем вырашаюцца пытанні працаўладкавання.
Дарэчы, працаўладкаванне — адзін з найважнейшых клопатаў вучылішча. Тут улічваюцца пажаданні выпускнікоў, спецыфіка будучай работы. Неабыякавае стаўленне да лёсу дзяцей, кпопаты аб іх паспяховым будучым з’яўляюцца зместам і сэнсам працы калектыву.
Аляксей ПЯНКО.
НА ЗДЫМКУ: заслужаны настаўнік Рэспублікі Беларусь, дырэктар прафесіянальна- тэхнічнага вучылішча N153 тэк- стыльшчыкаў Марыя
Мікалаеўна Клачковіч.