КАНЦЭВІЧ
ІВАН УЛАДЗІМІРАВІЧ
Канцэвіч Іван Уладзіміравіч нарадзіўся 2 лютага 1936 года ў вёсцы Павіцце Кобрынскага раёна.
Закончыў 6 класаў мясцовай школы.
Пасля службы ў Савецкай Арміі арміі паехаў на сезонную працу ў Казахстан.
З 1960 года да пенсіі Іван Уладзіміравіч працаваў у калгасе. Трыццаць гадоў трактарыстам, брыгадзірам трактарнай брыгады, камбайнерам, з 1985 года — майстрам-наладчыкам. Працаваў добрасумленна, быў перадавіком вытворчасці, выконваў дзяржаўны план.
У 1978 годзе Іван Уладзіміравіч узнагароджаны сярэбраным медалём «За дасягнутыя поспехі ў развіцці народнай гаспадаркі СССР».
У лістападзе 2016 года за асабісты ўклад у сацыяльна-эканамічнае развіццё аграгарадка Павіцце Іван Уладзіміравіч Канцэвіч атрымаў званне «Ганаровы грамадзянін аграгарадка Павіцце Кобрынскага раёна». Сёння Іван Уладзіміравіч займаецца рыбалкай, спявае ў царкоўным хоры.
О присвоении звания «Почетный гражданин аг. Повитье Кобринского района» Концевичу Ивану Владимировичу : решение Повитьевского сельского исполнительного комитета, 22 сентября 2016 г., № 83. – Повитье, 2016.
Трудный путь перемен [Концевич Иван Владимирович] // Земля и люди Повитья. – Повитье, 2014. – С. 32, 33, 36.
Концевич Иван Владимирович// Историко-экономический очерк совхоза «Ореховский». – 1989.
Концевич Иван Владимирович: биографическая справка / Повитьевская публичная библиотека ; сост. библиотекарь Н. В. Радкович. – Повитье, 2018.
КРЫВЕЦКІ
МІКАЛАЙ АНАТОЛЬЕВІЧ
Крывецкі Мікалай Анатольевіч нарадзіўся 5 красавіка 1949 года ў вёсцы Малінаўка Драгічынскага раёна Брэсцкай вобласці.
Закончыў Магілёўскую партыйную школу, Вышэйшую Партыйную школу пры ЦК КПБ, Беларускую сельскагаспадарчую акадэмію.
Працоўную дзейнасць пачынаў у сельскай гаспадарцы Драгічынскага раёна. Працаваў паляводам, брыгадзірам у калгасе «Савецкая Беларусь», намеснікам старшыні калгаса імя Кірава.
М. А. Крывецкі доўгі час знаходзіўся на адказных пасадах у органах дзяржаўнага кіравання, на партыйнай і савецкай рабоце.
У 1975-1985 гг. — інструктар Драгічынскага райкама КПБ, намеснік начальніка ўпраўлення сельскай гаспадаркі Драгічынскага райвыканкама, інструктар, намеснік загадчыка сельскагаспадарчага аддзела Брэсцкага абкама, другі сакратар Маларыцкага райкама КПБ, старшыня Іванаўскага райвыканкама.
У 1985-1991 гг. — першы сакратар Кобрынскага гаркама КПБ.
З сакавіка да снежня 1991 года ён намеснік старшыні Савета калгасаў Брэсцкай вобласці.
У 1992-1996 гг. кіраваў Камітэтам па стварэнні СЭЗ «Брэст», у лістападзе 1996 года прызначаны Кіраўніком Адміністрацыі СЭЗ «Брэст». Мікалая Анатольевіча Крывецкага можна без перабольшання назваць «бацькам» СЭЗ «Брэст». Шмат у чым менавіта дзякуючы яго намаганням, вялікаму арганізатарскаму таленту, энэргіі і дзяржаўнай мудрасці і стала магчымым з’яўленне першай у рэспубліцы свабоднай эканамічнай зоны.
У 2008-2014 гг. Мікалай Анатольевіч — намеснік старшыні Брэсцкага райвыканкама.
Узнагароджаны ордэнам «Знак Пашаны», Ганаровай граматай Савета Міністраў Рэспублікі Беларусь, іншымі ўзнагародамі. Акадэмік Беларускай інжынернай акадэміі.
У кастрычніку 2014 года за асабісты ўклад у сацыяльна-эканамічнае развіццё аграгарадка Павіцце Мікалай Анатольевіч Крывецкі атрымаў званне «Ганаровы грамадзянін аграгарадка Павіцце Кобрынскага раёна».
О присвоении звания «Почетный гражданин аг. Повитье Кобринского района» Кривецкому Николаю Анатольевичу : решение Повитьевского сельского исполнительного комитета, 31 окт. 2014 г., № 116. – Повитье, 2014.
Грибенчук, С. Испытание временем. Кривецкий Николай Анатольевич / Степан Гребенчук, Анатолий Полонский // Академики Брестчины / Степан Гребенчук, Анатолий Полонский. – Брест, 2003. – С. 119-133.
Крывецкі Мікалай Анатольевіч // Памяць. Кобрынскі раён : гісторыка-дакументальная хроніка. — Мінск, 2002. — С. 453 : фота. – (Яны кіравалі горадам і раёнам).
Падлужны, П. З гісторыі вёскі Малінаўка і яе хутароў / Пётр Падлужны // Наш край – Загородье : историко-краеведческий журнал Дрогичинского района. – 2017. — № 37-38. — С. 18-21.
Аб сям’і Крывецкіх, іх старэйшым сыне М. А. Крывецкім.
Кривецкий, Н. «Хочешь услышать правду – уйди в отставку» / Николай Кривецкий ; [беседовал] Борис Павловский // Вечерний Брест. – 2013. – 5 марта.